ABŞ prezidenti Co Baydenin seçki kampaniyasının yüksək səviyyəli üzvləri onun rəqibi Donald Tramp üzərində qələbəsinə şübhə ilə yanaşmağa başlayıblar.
Publika.az xəbər verir ki, bu barədə mənbələrə istinadən “The Washington Post” məlumat yayıb.
Adının açıqlanmasını istəməyən Demokratlar Partiyasından olan mənbə deyib ki, Baydenin seçki kampaniyası rəsmilərinin böyük əksəriyyəti depressiyaya düşüb və onun Tramp üzərində qələbəsinə şübhə ilə yanaşırlar.
Materialın müəllifləri əlavə edib ki, konqresmenlər və Bayden kampaniyasını maliyələşdirənlər onu tezliklə namizədliyini geri götürməyə çağıra bilərlər. Mənbələr izah ediblər ki, hələlik Demokratlar Partiyasının üzvləri Vaşinqtonda davam edən NATO sammiti səbəbindən ABŞ liderini pis vəziyyətdə qoymaq istəmirlər.
Cəmilə
