ABŞ prezidenti Co Baydenin oğlu Hunter Bayden qanunsuz silah əldə etmə işində təqsirli bilindikdən sonra qanuni səlahiyyətlərindən məhrum edilib.

Publika.az xəbə verir ki, Kolumbiya Dairə Apellyasiya Məhkəməsinin Baş Hakimi Anna Blekbern Riqsbi Hunterin Vaşinqtonda vəkillik fəaliyyəti üçün lisenziyasını da dayandırdığını açıqlayıb.

"Müttəhim bu məsələnin həllini gözləyən Kolumbiya dairəsində vəkillik fəaliyyəti ilə məşğul olmaqdan dərhal uzaqlaşdırılıb", - yazılı açıqlamada deyilir.

Yale Hüquq Məktəbinin məzunu olan Hunter hüquq dərəcəsini aktiv şəkildə istifadə etməsə də, 2007-ci ildən paytaxt Vaşinqtonda vəkillik fəaliyyəti üçün lisenziya alıb.

Xatırladaq ki, 2018-ci ildə Hunter narkotik aludəçisi olduğu dövrdə qanunsuz olaraq odlu silah əldə etməkdə, narkotikdən istifadə edib-etmədiyinə dair suallara yalan ifadələr verməklə federal qanunları pozmaqda ittiham olunub. O, irəli sürülən bütün ittihamları rədd edib.

Roza Şəfiyeva