Aparıcı Azər Süleymanov bir neçə gündür xəstəxanada komada olan aktyor Azər Baxşəliyevlə bağlı paylaşım edib.
QÜTB.AZ xəbər verir ki, aparıcı paylaşımında bunları yazıb:
"Azərlə xüsusi tanışlığım yoxdur. Hə, bu postu paylaşmağımın da bir önəmi yoxdur. Çünki bir gizli dua min aşkar əmələ bərabər olur. Sadəcə ictimai insanlar olduğumuzdan bəzən səhifəmizi izləyənlərdən kimsə elə bilər ki, onun başına gələnlərə önəm vermirəm. Yox, təbii ki! Çox üzülürəm. Azərin hekayəsini az-çox bilirəm. O güclü, gözəl insandır, sənət yoldaşıdır, atadır... Ona tezliklə bu çətin yuxudan oyanmasını, bu ağır sınaqdan qalib çıxmasını, Allahın ona ünvanlanan bu qədər duanı eşitməsini diləyirəm".
