Turizmdə aktiv bir il keçirən Antalya dekabr ayında hava yolu ilə gələn turist sayında rekord qırıb.
Publika.az xəbər verir ki, təkcə yeni il həftəsində qəbul edilən xarici qonaqların sayı 121 min 139 olub.
Yeni il həftəsi 23-30 dekabr tarixlərində Antalyada iki hava limanına gələn turist sayında rekordu qırıb. İl Mədəniyyət və Turizm Müdirliyinin məlumatlarına görə, Aralıq dənizinin ən əhəmiyyətli turizm mərkəzlərindən biri olan Antalyaya 23-30 dekabr tarixləri arasında hava yolu ilə 121 min 139 turist gəlib. Ay ərzində gələn turistlərin sayı isə 302 min 505 nəfər olub. Bu da turizm rekordu sayılan 2019-cu ildəki göstəricidən (227 min 701) xeyli çoxdur.
Aysel Şahmar
