İranda boru şəkilli daş butulkada tapılan və tərkibində qırmızı piqmentlər olan 4000 illik yeni tapıntının dünyanın ən qədim dodaq boyası olduğu bildirilir.

Publika.az xəbər verir ki, İranın cənub-şərqində təxminən 4 min il əvvələ aid olduğu düşünülən Tunc dövrünə məxsus yeni kəşf üzə çıxıb.

Gözəllik meylləri illərlə daim dəyişir. Ancaq bir kosmetik məhsul var ki, minlərlə ildir dəyişməyib. Bu, qırmızı dodaq boyasıdır.

Jiroft bölgəsində bir daş şüşədə tapılan qırmızı piqmenti ehtiva edən yeni kəşfin dünyanın ən qədim dodaq boyası olduğu düşünülür.

“Scientific Reports” jurnalında dərc edilən araşdırmaya görə, dodaq boyası eramızdan əvvəl 1936-1687-ci illərə aiddir.

Butulkadan çıxan qırmızı qarışığın bugünkü kosmetika sənayesində dodaq boyası hazırlamaq üçün istifadə edilən reseptlərə çox bənzədiyi bildirilir.

Aysel Şahmar