217 min dollar vəsaiti ölkədən çıxararaq geri qaytarmamaqda təqsirləndirilən şəxs haqqında tərtib edilən inzibati xəta haqqında protokol Nəsimi rayon Məhkəməsi tərəfindən təsdiq edilib.

Qutb.az-ın məlumatlna görə, şəxs 2023-cü ildə Azərbaycan Respublikasından kənara qabaqcadan ödəniş etməklə köçürüb, lakin ödənişin aparıldığı gündən iki il müddət keçməsinə baxmayaraq, 217980.00 ABŞ dolları məbləğində vəsait hesabına alınan malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi banka təqdim etməyib. Nə də qabaqcadan ödənilmiş valyuta vəsaiti xaricdən geri qaytarılıb.

Şəxs Azərbaycan Respublikası İnzibati Xətalar Məcəlləsinin 430.4-cü maddəsində nəzərdə tutulmuş əməli törətməkdə təqsirli bilinərək inzibati xətanın obyekti olmuş valyuta vəsaiti 217980.00 ABŞ dolları məbləğinin 20 faizi miqdarında, yəni 43596 (qırx üç min beş yüz doxsan altı) ABŞ dolları məbləğində cərimə edilib.