Nigeriyaya qaçaqmalçılıq yolu ilə gətirilən tonlarla fil sümüyü müsadirə olunaraq məhv edilib.
Publika.az xəbər verir ki, Nigeriya Milli Ətraf Mühit Standartları və Qaydalarına Nəzarət Agentliyinin (NESREA) baş direktoru Aliyu Jauro verdiyi açıqlamada ölkədə qaçaqmalçılardan müsadirə olunan 11,2 milyon dollar dəyərində 2,5 ton fil sümüyünün məhv edildiyini bildirib.
Jauro məhv edilmiş fil sümüklərinin böyük hissəsinin Nigeriyaya qaçaqmalçılıq yolu ilə gətirilərək qeyri-qanuni ticarətə cəlb edildiyini deyib:
“Ələ keçirilən fil sümüyü ehtiyatlarını məhv etməklə, ölkəmizdə vəhşi heyvan alverinə yol verilməyəcəyinə dair güclü bir mesaj veririk".
Qeyd edək ki, Qərbi Afrikada qeyri-qanuni yolla əldə edilmiş fil sümüyü tibb, zərgərlik məmulatları istehsalı və suvenirlərin hazırlanması üçün qeyri-qanuni yolla müxtəlif ölkələrə göndərilir.
