Ağdaşda yol qəzası olub, ölən və xəsarət alanlar var.
Bu barədə Publika.az-a DİN-in mətbuat xidmətinin Şəki regional qrupundan bildirilib.
Yanvarın 22-si saat 22 radələrində Ağdaş şəhəri ərazisində “VAZ-21011” və “Honda” markalı avtomobillər toqquşub. Hadisə nəticəsində “VAZ-21011”in sürücüsü, 1990-cı il təvəllüdlü Məmmədov İlham Azər oğlu aldığı xəsarətlərdən xəstəxanada ölüb. Hadisə zamanı "VAZ-21011-dı olan 3 sərnişin, habelə digər nəqliyyat vasitəsinin sürücüsü isə xəsarət alıb.
Araşdırma aparılır.
