ABŞ-da keçmiş məktəb müəllimi yetkinlik yaşına çatmayan şagirdi ilə cinsi əlaqədə olmaqda ittiham olunub.

Publika.az xəbər verir ki, bu barədə WMC məlumat yayıb.

38 yaşlı Alyssa Makkommon 23 cinayət, o cümlədən uşağa təcavüz, 5 azyaşlıya qarşı zorakılıq, iki şahidə müdaxilə və digər cinayətlər törətməkdə ittiham olunub.

Qadın həmin vaxt 12 yaşında olan məktəblilərdən birinə cinsi təcavüz etməkdə şübhəli bilinir. Sonradan o, həmin şagirddən hamilə qaldığını iddia edib.

Makkommon 2023-cü ilin sentyabr ayının əvvəlində saxlanılıb. İstintaqın məlumatına görə, o, 2021-ci ildə məktəblini evə dəvət edib və onunla cinsi əlaqədə olub. Həbs edildikdən az sonra qadın girov müqabilində sərbəst buraxılıb.

28 sentyabr 2023-cü ildə keçmiş müəllim yenidən həbsxanaya aparılıb. Məlum olub ki, o, əvvəllər istintaqa məlum olmayan nömrədən zərərçəkmişə məktub yazıb. Yazışmalarda oğlanı hədələməyə başlayıb. Sonradan məlum olub ki, şagirdə zəng edib, hamilə olduğunu və “bu uşağı özü böyüdəcəyini” bildirib.