"Qarabağ Universitetinə qəbul olan tələbələr dövlət hesabına təhsil almaqla yanaşı, bir çox sosial güzəştlərə-əlavə təqaüd, pulsuz yataqxana və s. sahib olacaqlar". 

Bu sözləri Qütb.az-a açıqlamasında təhsil üzrə ekspert Cahid İmanlı deyib. 

Ekspert qeyd edir: "Qarabağ Universiteti Azərbaycan Respublikası Prezidentinin 28 noyabr 2023- cü il tarixli sərəncamına əsasən, Universitet Elm və Təhsil Nazirliyinin tabeliyində yaradılıb. Azərbaycanda Ali təhsil müəsissələrinin yaradılması, strukturu, fəaliyyəti haqqında bütün normativ sənədlər bu universitet üçün də keçərlidir. Universitetdə ali təhsilin bütün pillələri- bakalavr, magistr və doktrantura təhsili olacaq. Hazırda Universitetin ilk ili olduğu üçün buraya tələbələrin transfer olub-olmaması, ikinci ali təhsil haqqında rəsmi məlumatlar verilməyib". 

C.İmanlı sözügedən universitetin təhsil sistemi haqqında da söz açır: "Universitetdə 4 istiqamət üzrə 1200 tələbə qəbulu həyata keçiriləcək. Bu il buraya subbakalavrların da qəbul olması istisna deyil. Univetsitet tələbə şəhərciyi formasında olacaq. Tələbələrə ikili diplomlara sahib olmaq fürsəti yaradılacaq, onlar həmçinin yerli və xarici mübadilə proqramlarından istifadə edə biləcəklər. Təhsil baxımından düşünürəm ki, Qarabağ Universitetini seçən tələbələr daha çox şansı olacaqlar. Onlara ayrıca "xüsusi" güzəştlər edilməsə də, ən peşəkar pedaqoqlardan dərs alacaqlar, universitet daxilində bürokratik əngəllər olmayacaq və tələbələrin öz bilik-bacarıqlarını tətbiqi ücün maksimum fürsət olacaq". 

Günel Verdiyeva