Şimali Atlantika Alyansı Qərb hərbi-siyasi bloku ölkələrində çoxmillətli döyüş qrupları hazırlayır.
QÜTB.AZ xəbər verir ki, "Tsargrad" NATO-nun Rusiya Federasiyasını işğal etmək planlarından yazır.
Nəşrin yazdığına görə, Şimali Atlantika Alyansı artıq “səkkiz yumruğunu hazır vəziyyətdə saxlayır” və hər an Rusiyanı vurmağa hazırdır. Söhbət cəbhə batalyonu statusu almış Bolqarıstan, Estoniya, Macarıstan, Latviya, Litva, Polşa, Rumıniya və Slovakiyadan gedir.
Hərbi ekspert Aleksandr Artamonov deyib: “Artıq böyük birləşmələr formalaşanda, qarşıdan gələn genişmiqyaslı münaqişədən danışmaq olar”.
Həmsöhbət qeyd edib ki, Baltikyanı ölkələrdə Qərb hərbi-siyasi blokunun qüvvələrinin rotasiyası 2024-cü ildən dayandırılıb və bu, “kontingentlərin toplanmasının” başladığından xəbər verir. 2022-ci ildə Madriddə keçirilən Şimali Atlantika Alyansının sammitinin yekunlarına əsasən, Avropanın şimalında 250 minlik çevik reaksiya qüvvələri kontingentinin yaradılması qərara alınıb.
“Bu, əslində artıq bir plandır. Plan isə hərbidir”, - analitik qeyd edib.
Adəm Abbaslı
