Türkiyənin Hatay şəhərində sərnişinlə avtobus sürücüsü arasındakı mübahisə qorxu filmi kimi bitib. Sərnişin sürücünü 9 dəfə dişləyib, qulağını qopardaraq onun cibindəki pulu oğurlayıb.
QÜTB.AZ-ın məlumatına görə, məlum olub ki, hücum edən şəxs bir neçə gün əvvəl daha bir nəfəri dişləyib və yaralayıbmış.
Hadisə təhlükəsizlik kameraları tərəfindən lentə alınıb. Avtobus sürücüsü Şefik Vural Ərzin-Adana marşrutu üzrə hərəkət etməyə hazırlaşarkən sərnişin son anda avtobusa minib. Vural sərnişindən gediş haqqını ödəməsini istəyəndə söyüşlə cavab alıb. Bundan sonra sərnişin sürücünü söyməyə başlayıb. Sürücüyə qəzəblənən sərnişin onun qulağını dişləyib. Sürücünün qulağı qopub. Zərərçəkənin köməyinə dayanacaqdakı digər sürücülər gəlib.
