Əl-Əzhər Universitetinin misirli alimləri İsveçrə və ABŞ-dan olan həmkarlarının iştirakı ilə Misirdə son 5000 ildə ilk dəfə xallı kaftarın peyda olmasını qeydə alıblar.

QÜTB.AZ xəbər verir ki, araşdırma "Mammalia" elmi jurnalında dərc olunub .

Sözügedən heyvan Sudanla sərhəddən təxminən 30 kilometr aralıda tənha şəkildə aşkarlanıb.

Mütəxəssislərin dediyinə görə, onlar kaftarın aşkarlanması xəbərlərinə inanmayıblar. Sonra foto dəlilləri görəndə heyrətə gəliblər.

Heyvan, Sudandakı xallı katlanın məlum yaşayış yerindən təxminən 500 kilometr aralıda aşkar edilib. Tədqiqatçılar təklif ediblər ki, regional ongünlük hava dövrü yağışların artmasına və yaşıllığın artmasına səbəb ola bilər. Bu, səhra heyvanları üçün miqrasiya marşrutu aça bilər.

“Dəhliz sahəsinin ekoloji cəhətdən daha az sərt olması, daha asan keçid təklif etməsi, kaftarın bu qədər şimala necə getdiyini izah edə bilər. Bununla belə, onun Misirə uzun səfərinin motivi hələ də sirr olaraq qalır və əlavə araşdırma tələb edir”, - alimlər qeyd ediblər.

Xallı kaftarlar Afrikanın cənubundakı müxtəlif yaşayış yerlərində rast gəlinən yırtıcılardır. Onlar otyeyən sürülərin ardınca gündə 27 km məsafə qət edə bilirlər.

Hüseyn İbadlı