Prod by XSON
“Zirə”nin baş məşqçisi Rəşad Sadıqov Azərbaycan Premyer Liqasının 4-cü turunda “Qarabağ”la 1:1 hesablı heç-heçə etdikləri oyundan sonra təşkil edilən mətbuat konfransına qatılıb.
Qutb.az xəbər verir ki, o, mətbuat konfransında millinin baş məşqçiliyinə namizədliyinin irəli sürülməsi ilə bağlı yayılan xəbərlərə münasibət bildirib.
“Milliyə baş məşqçi seçimi olanda hər dəfə 2-3 nəfər var ki, onlara bu sual ünvanlanır. Hər dəfə ehtimal yarananda, bu sual veriləndə şəxsən mən özümü ucuzlaşmış hiss edirəm. Hər dəfə açıqlama, şərh vermək olmur. Daha əvvəl də açıqlama verəndə bildirmişdim ki, bu barədə bir dəfə danışacam və bir daha bu mövzuya qayıtmayacağam. Sizdən də çox xahiş edirəm ki, bu haqda sual verməyin” - Rəşad Sadıqov qeyd edib.
