UEFA Millətlər Liqasında Uelslə oyunda (0:0) zədələnən ” Real Madrid”in və Türkiyə millisinin 19 yaşlı yarımmüdafiəçisi Arda Gülər növbəti matçda – İslandiya ilə oyunda meydana qayıda bilər.
QÜTB.AZ xəbər verir ki, bu barədə “Marca” məlumat yayıb.
Mənbənin sözlərinə görə, tibbi müayinələr türkiyəli yarımmüdafiəçinin ilkin göründüyü kimi ciddi zədəsini təsdiqləməyib. Gülər əlavə tibbi sınaqlardan keçmək üçün Madridə qayıtmayacaq, milli ilə məşqlərə davam edəcək.
Xatırladaq ki, Gülər Uelslə matçın 90-cı dəqiqəsində zədələnib və əvəzlənib.
Gülər bu mövsüm bütün turnirlərdə klub üçün 4 oyun keçirib. “Transfermarkt” portalında verilən məlumata görə, futbolçunun bazar dəyəri 45 milyon avrodur.
