UEFA İcraiyyə Komitəsi 2024-2027-ci illərdə klublar arasında gəlirlərin bölüşdürülməsi sxemini təsdiqləyib.
Publika.az xəbər verir ki, ödənişlərin ümumi məbləği 4,4 milyard avro təşkil edəcək. Bunların 10%-i (440 milyon) avrokuboklarda iştirak etməyəcək klublara çatacaq. Eyni zamanda təsfinat mərhələləri keçməyən klublara 308 milyon avro ödəniləcək. 132 milyon avro isə “həmrəylik ödənişləri” olacaq.
Qalan pul avrokubokların iştirakçıları (93,5%) və UEFA (6,5%) arasında bölüşdürüləcək.
Avrokubok iştirakçıları bütün həmrəylik və digər xərcləri ödədikdən sonra 3,3 milyard avro alacaqlar. Turnirlər arasında faizlər 2021-2024-cü illərdə olduğu kimi qalacaq.
Maliyyə sxemi mayın 22-də keçiriləcək UEFA İcraiyyə Komitəsinin növbəti iclasında təsdiqlənəcək.
