Serbiya millisi Avropa Futbol Assosiasiyaları İttifaqına (UEFA) ultimatum verib.
Publika.az xəbər verir ki, serblər bildiriblər ki, UEFA Albaniya və Xorvatiya yığmalarının azarkeşlərini nalayiq şüarlara görə cəzalandırmasa, Avro-2024-dən çıxacaqlar.
Bu barədə Serbiya Futbol Assosiasiyasının baş katibi Yovan Surbatoviç məlumat verib.
“İlk növbədə azarkeşlərimizə İngiltərə ilə oyunda göstərdikləri dəstəyə görə təşəkkür etmək istəyirəm və ümid edirəm ki, Sloveniyanı məğlub edəcəyik. Baş verənlərə ( serbləri öldürməyə çağıran şüarlar - red.) görə UEFA-dan bu insanlara qarşı sanksiyalar tələb edəcəyik, hətta bu, turnirdə oynamaqdan imtinamıza gətirib çıxarsa belə”, - Surbatoviç bildirib.
