NBA rekord 11 il və 76 milyard dollarlıq oyunların yayım hüququ üçün razılaşmaya razılaşıb.
Publika.az xəbər verir ki, bu barədə “The Athletic” məlumat yayıb.
Mənbənin məlumatına görə, liqa rəhbərliyi ABC, ESPN, NBC və “Amazon” ilə anlaşıb. Müqavilələrin ümumi dəyəri 11 mövsüm ərzində 76 milyard dollar təşkil edəcək. Bu, turnir tarixinin rekord yayım anlaşmasıdır.
Yeni sözləşmələrə əsasən, 2025/26 mövsümündən başlayaraq NBA oyunları həftənin yeddi günü ölkə miqyasında yayımlanacaq.
Belə olan halda 40 ildir turnirin matçlarını nümayiş etdirən “TNT Sports” platforması ilə əməkdaşlıq başa çata bilər.
