“Real” “Lill”in 18 yaşlı mərkəz müdafiəçisi Leni Yoronun potensial satın alınması ilə bağlı nüanslar üzərində işləyir.
Publika.az xəbər verir ki, bu barədə “Sport.es” məlumat yayıb.
Mənbənin sözlərinə görə, Madrid klubu Yoronun Avropanın ən perspektivli müdafiəçilərindən biri olduğuna inanır. “Los Blankos”un 18 yaşlı futbolçu üçün təxminən 30 milyon avro təklif etməyə hazır olduğu vurğulanır.
Öz növbəsində "Lill" Yoronu son aylar müdafiəçi ilə aktiv şəkildə maraqlanan PSJ-yə deyil, "Real Madrid"ə satmağa meyllidir.
Xatırladaq ki, bu mövsüm Yoro bütün turnirlərdə 32 matçda iştirak edib və üç qol vurub. Futbolçunun klubla hazırkı əmək müqaviləsi 2025-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 25 milyon avrodur.
