Fransanın "TotalEnergies" komandası "Tour de France" veloyürüşünün 12-ci mərhələsi başlamazdan əvvəl quldurların qurbanı olub.

Publika.az xəbər verir ki, bu barədə “Sporza” məlumat yayıb.

Ötən gecə oğrular Le Liorentdə "TotalEnergies" mexanikinin yük maşınına girərək 150.000 avro dəyərində 11 velosiped oğurlayıblar. Komanda itkini səhər yuxudan duranda aşkar edib. Bundan əlavə, oğrular alət qutularını götürərək ehtiyat velosipedlərin yığılmasını çətinləşdirib. Komanda oğurluq barədə yerli polisə məlumat verib.

“Bunun necə baş verdiyini bilmirik. Onlar bizim yük maşınımıza giriblər və 11 velosiped yoxdur. Mənim üçüncü ehtiyat velosipedimi oğurlayıblar, ona görə də özümü şanslı hesab edə bilərəm. Lakin bəzi komanda yoldaşlarım onların əsas velosipedinin oğurlanmasına üzülürlər”, - deyə komandanın üzvü Steff Kras bildirib.

Heybət