Gürcüstanda dünən baş tutan seçkilərin rəsmi nəticəsi elan edilib.

QÜTB.AZ xəbər verir ki, Gürcüstan Mərkəzi Seçki Komissiyası bülletenlərin 99%-nin sayılmasından sonra nəticələri açıqlayıb:

- Gürcü Arzusu – 54,2%;

- Birlik – Milli Hərəkat (“Vahid Milli Hərəkat”, “Aqmaşenebeli Strategiyası”, “Avropa Gürcüstanı”) – 10.1%;

- Dəyişiklik üçün Koalisiya ("Axali", "Girçi - daha çox azadlıq", "Droa") - 10.8%;

- Güclü Gürcüstan (“Gürcüstan üçün Lelo”, “Xalq üçün”, “Azadlıq Meydanı”, “Vətəndaşlar”) - 8.76%;

- Gürcüstan üçün Qaxariya – 7.75%.

Qalan partiyalar 5%-lik baryeri keçə bilməyiblər.

Bu nəticələr Gürcü Arzusunun tam qalib gəldiyini və hökuməti təkbaşına formalaşdıracağını göstərir.

***

Seçki məntəqələrinin 99%-nin səsləri sayıldıqdan sonra hakim “Gürcü Arzusu” partiyası parlament seçkilərində 54,2% səslə liderdir.

QÜTB.AZ bu barədə Gürcüstan Mərkəzi Seçki Komissiyasına ( MSK ) istinadla xəbər verir.

İlkin məlumata görə, 3085 seçki məntəqəsinin məlumatlarının hesablanmasından sonra “Gürcü arzusu” bir milyondan çox səs toplayıb.

MSK-nın qeyd etdiyi kimi, qanunverici orqana beş faizlik baryeri keçən əsas müxalifət partiyaları da daxil olur. Bunlara “Birlik - Milli Hərəkat” (təxminən 10%), “Dəyişiklik üçün Koalisiya” (təxminən 11%), “Güclü Gürcüstan” (təxminən 8,7%) və “Gürcüstan Naminə” (təxminən 7,7%) daxildir. Ümumilikdə müxalifət təxminən 37 faiz səs toplayıb.

Hüseyn İbadlı