Çirkab sular və tullantılar Avropanın çay və göllərinə axıb xəstəliklərə səbəb olur və ətraf mühitə ziyan vurur.

QÜTB.AZ xəbər verir ki, bu barədə "Bloomberg" məlumat yayıb.

Nəşrin müəllifi belə qənaətə gəlib ki, bu, qitədə yeni siyasi problemə çevrilib. Problem yalnız Sena və Temza çaylarının çirklənməsindən qat-qat böyükdür. Köhnə su təmizləmə sistemi belə böyük miqdarda tullantıları idarə etmək üçün nəzərdə tutulmayıb.

Məqalə Böyük Britaniyada kanalizasiya sızmasından sonra geniş yayılmış ictimai etirazı xatırladıb. İqlim dəyişikliyi daşqınlara və su təmizləyici sistemlərin həddindən artıq yüklənməsinə səbəb ola bilər.

Bundan əvvəl Fransanın paytaxtının meri Ann Hidalqo Sena çayında üzərək şəxsi nümunəsi ilə çaydakı suyun Yay Olimpiya Oyunları çərçivəsində yarışların keçirilməsi üçün yararlı olduğunu nümayiş etdirməyə çalışıb. Çayın məcrasının tullantılardan təmizlənməsi yerli hakimiyyət orqanları üçün böyük problemə çevrilib. Üzgüçülükdən sonra Hidalqo bildirib ki, əgər Olimpiya Oyunları olmasaydı, bu, ümumiyyətlə, baş verməzdi.

Bundan əvvəl alimlər bütün dünyada suda oksigen ehtiyatlarının kəskin azalması barədə xəbərdarlıq etmişdilər.

Hüseyn İbadlı