"İnter Mayami"nin futbolçuları Lionel Messi, Luis Suares, Serxio Buskets və Xordi Alba "Barselona"dakı günlərinə geri dönməyə başlayıblar.
Publika.az xəbər verir ki, onlar əvvəlki kimi meydandan kənar vaxtlarını da bir yerdə keçirməyə çalışırlar. Bu məqsədlə həyat yoldaşları ilə birlikdə Mayamidəki restoranlardan birinə baş çəkiblər. 4 cütlük orada səmimi bir neçə saat keçiriblər.
Qeyd edək ki, “İnter Mayami” yeni mövsümün hazırlıqlarına başlayıb. Komanda ötən gecə “Dallas”a 0:1 hesabı ilə uduzub. Buna qədər isə komanda Salvador yığmasıyla 0:0 hesabı ilə bərabərə qalıb. "İnter Mayami" növbəti matçını Səudiyyə Ərəbistanında "Əl-Hilal"a qarşı keçirəcək. Qarşılaşma yanvarın 29-da baş tutacaq.
Heybət
