Yanvarın 19-da “İnter Mayami” (ABŞ) və “Amerika ” (Meksika) komandaları arasında yoldaşlıq oyunu keçirilib.
QÜTB.AZ xəbər verir ki, oyun Nevadadakı “Elligent” stadionunda baş tutub. Oyunun əsas vaxtı 2:2 hesabı ilə başa çatıb və penaltilər seriyasında Amerika komandası daha dəqiq olub – 3:2.
“İnter Mayami” yeni mövsümə hazırlaşır Devid Bekhemin klubu üçün bu, yeni ildə ilk oyunu idi.
2025-ci ildə komanda üçün ilk qolu əfsanəvi argentinalı Lionel Messi vurub . 34-cü dəqiqədə Luis Suaresin ötürməsindən sonra Leo topu başı ilə rəqib qapısına göndərib.
Messi və Suares meydanda 65 dəqiqə, “Barselona”nın digər iki keçmiş futbolçusu Xordi Alba və Serxio Buskets isə 72 dəqiqə oynayıb.
“İnter Mayami” Tomas Avilesin vurduğu qol sayəsində yalnız 90+2-də oyunu penaltilər seriyasına keçirə bilib.
Aut.az
