Amerikanın “İnter Mayami” klubunun hücumçusu Lionel Messi yeni nəslin ən perspektivli futbolçuları haqqında fikirlərini bölüşüb
QÜTB.AZ xəbər verir ki, o, özünün əksini gördüyü futbolçunun adını da qeyd edib. Messinin sözlərinə görə, indiki gənc futbolçu nəsli böyük potensiala malikdir, lakin o, “Barselona”nın 17 yaşlı yarımmüdafiəçisi Lamin Yamalı ən parlaq nümunələrdən biri hesab edir:
“O, oyunu və gələcəyinin parlaq olacağı vədləri ilə heyran qalır. Əsas odur ki, sabitliyi qoruyub saxlamaq həm futbolçunun özündən, həm də ətrafındakılardan zəhmət tələb edir”
Qeyd edək ki, Yamal bu mövsüm “Barselona”nın heyətində 20 oyun keçirib, 6 qol vurub və 12 məhsuldar ötürmə edib. Futbolçunun klubla müqaviləsi 2026-cı ilin yayına qədərdir. Onun bazar dəyəri “Transfermarkt”a görə, 150 milyon avrodur.
