2003-cü il “Upper Deck” kolleksiyasından imzası olan Maykl Cordan kartı rekord məbləğə 2,9 milyon dollara satılıb.
Publika.az xəbər verir ki, bu barədə “Goldin Auctions” məlumat yayıb.
Qalib alıcı kart üçün 2,4 milyon dollar təklif edib və hərraca daha 22% komissiya ödəyib. Bu, indiyə qədər hərracda satılan altıqat NBA çempionunun kartları üçün rekord qiymətdir.
Cordan kartı yüksək qiymətinə baxmayaraq, 2022-ci ildə hərracda 12,6 milyon dollara satılan “Nyu York Yankis” beysbolçusu Mikki Mantlinin 1952-ci ildəki “Topps” ticarət kartının rekordundan xeyli aşağıdır.
“Çikaqo” ilə 6 qat NBA çempionu və 2 qat Olimpiya çempionu olan Cordan 2003-cü ildə karyerasını başa vurub.
61 yaşlı əfsanə LeBron Ceyms, Mecik Conson və Tayqer Vuds ilə birlikdə “Forbes”un milyarderlər siyahısına daxil olan dörd idmançıdan biridir.
