UEFA Çempionlar Liqasının 2023/24 mövsümünün finalında meydana girən azarkeşlərdən birinin cəzası məlum olub.

Publika.az xəbər verir ki, "Borussiya Dortmund" - "Real" (0:2) görüşündə fasiləyə səbəb olan 16 yaşlı yeniyetməyə 6 aylıq şərti cəza verilib. Eyni zamanda o, məhkəmə xərclərini də ödəməyə məcbur edilib. Bu barədə BBC məlumat yayıb.

Şərti cəzanın təyin edilməsi məhkəmənin cinayətin təhrik nəticəsində törədildiyini müəyyən edə bilməsi ilə əsaslandırılıb. İstintaq zamanı oğlan Mellstroy təxəllüsü ilə tanınan belaruslu yayımçı Andrey Burimdən 300 min funt sterlinq mükafat vədi aldığına görə meydana girdiyini etiraf edib.

Qeyd olunur ki, bu iş üzrə daha bir təqsirləndirilən şəxs avqustun 27-də məhkəmə qarşısına çıxarılacaq. Üçüncü qanun pozucusuna isə 3 il müddətinə futbol matçlarına gəlmək qadağan edilib.

Heybət