"Goal "portalı 2023/24 mövsümündə Çempionlar Liqasının ən yaxşı oyunçularının reytinqini tərtib edib.

Publika.az xəbər verir ki, reytinqdə 21 oyunçu yer alıb. Siyahıya Dortmund "Borussiya"sından 6, "Real"dan 4, PSJ-dən 4, "Bayern"dən 2, "Mançester Siti"dən 2, "Atletiko", “Barselona" və "Leypsiq"in hərəsindən bir futbolçunun adı daxil edilib.

Birinci yeri “Borussiya”nın müdafiəçisi Mats Hummels tutub. “Turnir, yəqin ki, heç vaxt 35 yaşında belə dominant müdafiəçi görməmişdi" - deyə məqalədə qeyd edilib.

İkinci yeri "Real"in hücumçusu Vinisius Junior tutub. Müəlliflər Madrid klubunun yarımmüdafiəçisi Toni Kroosu üçüncü olaraq görüblər.

Qeyd edək ki, "Borussiya" Çempionlar Liqasının finalında "Real"la qarşılaşacaq. Qarşılaşma iyunun 1-də Londondakı “Uembli” stadionunda keçiriləcək.

"Goal"a görə Çempionlar Liqasının ən yaxşı oyunçularının reytinqi (ardıcıllıqla):

Mats Hummels (Borussiya); Vinisius Junior (Real); Toni Kroos (Real); Harri Keyn (Bayern); Kilian Mbappe (PSJ); Jude Bellinqem (Real); Marsel Sabitser (Borussiya); Niklas Füllkruq (Borussiya); Achraf Hakimi (PSJ); Coşua Kimmix (Bayern); Qreqor Kobel (Borussiya); Rodriqo (Real); Antuan Qrizmann (Atletiko); Niko Şlotterbek (Borussiya); Vitinya (PSJ); Yulian Brandt (Borussiya); Uorren Zair-Emeri ( PSJ); Fil Foden (Mançester Siti); İlkay Gündoğan (Barselona); David Raum (Leypsiq); Rodri (Mançester Siti).

Heybət