“Çelsi” “Barselona”nın müdafiəçisi Jül Kundeni transfer etmək imkanını nəzərdən keçirir.
Publika.az xəbər verir ki, kurnalist Qrem Beylinin sözlərinə görə, London klubunun skautları fransalı futbolçuya görə bu həftə Çempionlar Liqasının “Barselona” – “Napoli” matçını (1:1) izləyib. “Çelsi” təmsilçiləri təkcə uzun müddətdir maraqlandıqları neapollu hücumçu Viktor Osimhenin deyil, Koundenin də oyununu diqqətlə izləyiblər.
Qeyd edək ki, “Barselona”nın 25 yaşlı futbolçunu mövsümün sonunda yüksək qiymətə satmaq istədiyi bildirilir. Kataloniya klubu Kundeni 2022-ci ildə “Sevilya”dan 50 milyon avroya alıb.
