"Barselona" İspaniya kubokunun 1/4 finalında "Atletik"ə uduzub - 2:4.
Publika.az xəbər verir ki. Kataloniya təmsilçisinin qollarlndan birini azyaşlı Lamin Yamal vurub. Bu zaman futbolçunun 16 yaş 195 günlüyündə olub. Bununla Yamal "Barsa"nın Kral Kubokunda ən gənc qol vuran oyunçusu ünvanına sahib çıxıb.
O, Bojan Krkiçi qabaqlayıb. Sabiq futbolçu 2007/2008 mövsümündə 17 yaş 77 günlüyündə fərqlənib.
Qeyd edək ki, Yamal eyni rekordu iki həftə əvvəl İspaniya Superkubokunda da müəyyən etmişdi. O, həmçinin "Barselona" tarixinində ən gənc qol vuran futbolçudur.
16 yaşlı cinah oyunçusu bu mövsüm bütün turnirlərdə 29 oyunda 3 qol vurub və 5 məhsuldar ötürmə edib. Transfermarkt portalı Lamini 60 milyon avro dəyərində qiymətləndirir.
Heybət
