Bədii gimnastika üzrə beşqat olimpiya çempionu, amerikalı Simone Biles Parisin Olimpiya kəndində yeməklərin keyfiyyətini şübhə altına alıb.
Qutb.az xəbər verir ki, Bilesin sözlərini RMC sitat gətirib.
“Olimpiya kəndində mətbəx tam fransız mətbəxi deyil. ABŞ-da yeməklər daha sağlamdır”, – Biles bildirib.
Bu fikri amerikalı gimnast Hezli Rivera da təsdiqləyib:
“Buranın yeməklərinin çox da yaxşı olduğunu düşünmürəm. Baxmayaraq ki, fransız mətbəxi yaxşı olmalıdır. Burada ən yaxşı yeməyi alacağımıza əmin deyiləm”.
Bir gün əvvəl Bils və Riveranın yer aldığı ABŞ-ın qadınlardan ibarət komandası çoxnövçülük üzrə gimnastika yarışının qalibi olub.
