Sumqayıtda 90 yaşlı qadını avtomobil vuraraq öldürüb.
Milli.Az APA-ya istinadən bildirir ki, Məmmədov Bəhmən Xudayar oğlu "Dacia Logan" markalı avtomobilini Sumqayıt şəhəri, N.Nərimanov küçəsi 119 ünvanında arxa-arxaya idarə edən zaman, yolu soldan sağa keçmək istəyən piyada, 1933-cü il təvəllüdlü Qasımova Pərnisə Əmirqulu qızını vurub. Nəticədə, piyada aldığı xəsarətlərdən Sumqayıt şəhər Təcili Tibbi Yardım Xəstəxanasında ölüb.
Faktla əlaqədar Sumqayıt şəhər polis idarəsinin İstintaq şöbəsində CM-nin 263.2-ci maddəsi ilə cinayət işi başlanaraq istintaqı aparılır.
Milli.Az
