Kazanda mənzildən çay və peçenye oğurlayan keçmiş məhbus yenidən həbs olunub.

Publika.az xəbər verir ki, həmin şəxs yayda Omskdakı koloniyadan azad olunaraq Kazana gəlib.

Keçmiş məhbus Tatarıstanın paytaxtında qarşısına çıxan evlərdən birinin pəncərəsini döyüb. Ev sahibi kişini içəri dəvət edərək ona paltar, yemək və içki verib.

Gecə saatlarına hər ikisi yeyib, içib, söhbət ediblər. Daha sonar ev sahibi yatmağa gedib. Bu zaman keçmiş məhkum getməyə qərar verib, o çölə çıxanda yadına düşüb ki, mobil telefonunu və bank kartını evdə unudub. Ev sahibini oyatmamaq üçün pəncərəni sındırmaq qərarına gəlsə də, içəri keçəndə başqa mənzildə olduğunu başa düşüb. O, evdən əliboş getməmək üçün bir neçə qutu peçenye və çay götürüb və pəncərədən çıxaraq mənzili tərk edib.

Hüquq mühafizə oqranları həmin şəxsi yaşayış yerinə qanunsuz daxil olmaqla oğurluq etdiyinə görə iki il müddətinə azadlıqdan məhrum edib.

Cəmilə