Ekvadorda dəstə başçısının həbsdən qaçmasından sonra ölkədə böyük xaos yaranıb.
Publika.az xəbər verir ki, silahlı dəstələr canlı yayım zamanı "TC Televiziya" kanalının studiyasına basqın ediblər. Onlar əməkdaşları girov götürüb, diktorun cibinə partlayıcı qoyublar. Kameralar çəkiliş apararkən polis və mühafizəçilər edam edilib.
Ekvador polisindən verilən açıqlamada qaçırılan 3 polisin xilas edildiyi, digər polis məmurları və mühafizəçilərin də sərbəst buraxılması üçün əməliyyatların davam etdiyi bildirilib.
Mətbuatda həbsxanalardakı dəstə üzvlərinin 130-dan çox mühafizəçini girov saxladığı və bəzilərini öldürdüyü iddia edilir.
Ekvador prezidenti Noboa bu təşkilatları zərərsizləşdirmək üçün silahlı qüvvələrə tam səlahiyyət verib.
Qeyd edək ki, Adolfo Macias Salazar və bir neçə məhbusun Quayas şəhərindəki həbsxanadan qaçmasından sonra ölkədə fövqəladə vəziyyət və komendant saatı tətbiq edilib.
Roza
