Hindistanda Rinku adlı şəxs sevgilisi başqasına ərə getmək qərarına gəldiyi üçün onunla mübahisə edib və əlini kəsib.
Publika.az xəbər verir ki, hadisə Uttar Pradeş ştatının Unnao rayonunda baş verib. 25 yaşlı Rinkunun bir müddətdir ki, görüşdüyü qızı ailəsi başqa birinə ərə vermək qərarına gəlib.
Qızın yaxınları aprelin 19-da baş tutmalı olan toya hazırlığa başlayıblar. Bundan xəbər tutan Rinku qızı görüşə dəvət edib. Bu zaman o qızdan valideynlərinin tapdığı bəyi rədd etməsini istəyib.
Qız ailəsinə qarşı çıxmaqdan imtina edib. Bundan sonra Rinku anidən iti bıçaqla qızın əlini kəsib. Zərərçəkən xəstəxanaya çatdırılıb, şübhəli şəxs isə bir neçə saat sonra polis tərəfindən saxlanılıb.
Cəmilə
