Astara rayonunda bədbəxt hadisə zamanı 21 yaşlı gəncin bel fəqərəsi sınıb.
Publika.az “Report”a istinadla xəbər verir ki, 2003-cü il təvəllüdlü Xacaxanova Rüfanə Rüfət qızı yaşadığı evin 2-ci mərtəbəsindən ehtiyatsızlıqdan yerə yıxılıb.
Yaralı ağır vəziyyətdə təcili tibbi yardımın köməkliyi ilə paytaxtda yerləşən xəstəxanaların birinə gətirilib. Müayinə zamanı ona bel fəqərəsinin sınığı diaqnozu qoyulub.
Faktla bağlı araşdırma aparılır.
