Meksikada anbarda saxlanılan yüzlərlə immiqrant insan alverçilərinin əlindən xilas edilib.
Publika.az xəbər verir ki, polis Tlaxcala əyalətində ağır şərtlər altında anbarda saxlanılan immiqrantlar üçün əməliyyat təşkil edib. 75-i uşaq olmaqla 726 immiqrant təhlükəsizlik qüvvələri tərəfindən xilas edilib. Hadisə ilə bağlı insan alveri ilə məşğul olan 4 şəxs saxlanılıb.
Vətəndaş Təhlükəsizliyi Katibliyindən verilən açıqlamada immiqrantların Qvatemala, Honduras, El Salvador və Nikaraqua vətəndaşı olduqları bildirilib.
Meksika mətbuatında mühacirlərin həddindən artıq susuz və oksigensiz olduğu, bəzilərinin isə xəstəxanalara yerləşdirildiyi bildirilib .
Qeyd edək ki, ABŞ-a getmək arzusu ilə insan alverçilərinə minlərlə dollar pul ödəyən miqrantlar son dərəcə təhlükəli şəraitdə səyahət edirlər.
Roza Şəfiyeva
