Vladimir Zelenski Ukrayna Silahlı Qüvvələrinin (AFU) keçmiş Ali Baş Komandanı Valeri Zalujnını Ukrayna Qəhrəmanı adına layiq görüb.
Publika.az xəbər verir ki, müvafiq fərman Ukrayna prezidentinin saytında dərc olunub .
“Ukraynanın dövlət suverenliyinin və ərazi bütövlüyünün qorunmasında müstəsna şəxsi xidmətlərinə, Ukrayna xalqına fədakar xidmətə görə, general Valeri Fedoroviç Zalujnıya “Qızıl Ulduz” ordeni ilə Ukrayna Qəhrəmanı adının verilməsini qərara alıram”, - fərmanın mətnində deyilir.
Fevralın 8-də Vladimir Zelenski Ukrayna Silahlı Qüvvələrinin baş komandanı Valeri Zalujnını vəzifəsindən azad edib. Ukrayna prezidentinin sözlərinə görə, 2024-cü il yalnız ölkənin müdafiə bazasında dəyişikliklər olacağı təqdirdə uğurlu ola bilər. Zalujnı 2021-ci ilin iyulundan Ukrayna ordusuna rəhbərlik edirdi.
Ukrayna Silahlı Qüvvələrinin Quru Qoşunlarının komandanı Aleksandr Sırski respublika silahlı qüvvələrinin yeni baş komandanı təyin edilib.
Tural
