Mahnıları və səhnə geyimləri ilə hər zaman gündəmdə olan türkiyəli müğənni Gülşən qatıldığı proqramda təmizlik marağından danışıb.
QÜTB.AZ xəbər verir ki, müğənni İbrahim Səlimin "YouTube"da yayımlanan "İbrahim Səlimlə bu axşam" verilişinin qonağı olub.
Gülşənin daha əvvəl heç zaman etmədiyi təmizliklə bağlı etirafı gündəm olub:
"Evi özüm təmizləyirəm. Heç vaxt köməkçim olmayıb. O qədər detal var ki, zinət əşyaları, eynək, saatlar. Onlardan biri yerindən tərpənəndə belə ev düzənim pozulur. Təmizlik anamdan özümə götürdüyüm bir şeydir.
Kiminsə etdiyini bəyənmirəm. Yerdə sürünməkdən ayaqlarım göyərib. Ən vacib konsertim olan günlərdə belə evi silib sonra gedirəm. Mən hər səhər vanna otağını ağardıcı ilə yuyuram. Gördüyünüz kimi, mən öz işimi özüm görürəm”.
Roza
