Vəfa Şərifova türk həmkarı Serdar Ortaçla birgə oxuduğu duetin ona neçəyə başa gəldiyini açıqlayıb.
Publika.az xəbər verir ki, ifaçı “Xəzər axşamı” verilişində sözügedən layihədən söz açıb.
Şərifova bildirib ki, Ortaçla duet oxumaq üçün 50 min manat xərcləyib:
“Klip, mahnı, aranjiman və bu kimi işlərin hamısı ümumi olaraq mənə 50 min manata başa gəlib. Serdar çəkilişə bahalı avtomobildə gəlmişdi. Yanında 5-6 köməkçisi vardı. O tam bir ulduz olaraq məkana gəldi. Xüsusi istəkləri də vardı. Mən də onu belə gözləmirdim. Moskvada konsert üçün Serdarı istədilər. Mən də meneceri ilə əlaqələndirdim. Serdarın qonorarı yüksəkdir. Klip bir neçə gün ərzində “YouTube”da 2 milyondan artıq izləmə sayına çatıb. Yaxşı nəticələrimiz var”.
