Kiyev yaxınlığında genişmiqyaslı yanğın baş verib.
Publika.az xəbər verir ki, bu barədə Ukraynanın "Obozrevatel" nəşri öz "Telegram" kanalında məlumat yayıb.
İlkin məlumata görə, Ukrayna paytaxtının cənub-şərqində, onun sol sahil hissəsində yerləşən Osokorki yaşayış massivi yanır.
Hadisə şahidləri səmada alov və qara tüstüni lentə alıblar. Onların sözlərinə görə, yol olmadığından yanğını söndürmək mümkün deyil.
Nəşrin yazdığına görə, şəhərin Darnitski rayonunun sakinlərinə "tüstü iyi gəlmə ehtimalı" olduğundan pəncərələrini bağlamaq tövsiyə olunub.
Hüseyn İbadlı
