Ruslar Ukraynanın Donetsk vilayətində irəliləməyə davam edir, xüsusən də son 24 saat ərzində Selidovo bölgəsində təzyiqlər edirlər.

QÜTB.AZ xəbər verir ki, bu barədə Ukrayna ordusunun "Deep State" Telegram kanalı xəbər verib. Bildirilir ki, Rusiya ordusu bu yaşayış məntəqəsi yaxınlığında irəliləməyə nail olub.

Bundan əlavə, onların məlumatlarına görə, ruslar Donbasın daha üç yaşayış məntəqəsində uğur qazanıblar.

"Dünən və bu gün Selidovoda yaranmış vəziyyəti nəzərə alsaq, anlamaq lazımdır ki, yalan təkcə qonşu bölmələri deyil, sözün əsl mənasında hər şeyi və hər kəsi məhv edəcək", - "Deep State" vurğulayıb.

Eyni zamanda, "Bild"in analitiki Julian Röpke oktyabrın 23-də rus hərbçilərinin Selidovoya girərək bayraqlarını asmağa başladığını yazıb. Ukrayna Silahlı Qüvvələri Baş Qərargahının keçmiş mətbuat katibi Vladislav Seleznev hesab edir ki, Selidovo vilayətində vəziyyət Toretsk vilayətindən heç də az mürəkkəb deyil.

Onun sözlərinə görə, ruslar yanal hücumlar taktikasından istifadə etməkdə davam edir, bunun nəticəsində Ukrayna hərbçiləri tamamilə mühasirəyə düşə bilər.

Adəm Abbaslı