Türkiyə ilə Somali arasında Somalinin quru və dəniz bloklarında karbohidrogenlər sahəsində əməkdaşlıq müqaviləsi imzalanıb. Moqadişu rəhbərliyinin ölkənin neft ehtiyatlarının satış və hasilat səlahiyyətini Türkiyəyə verməsi xəbəri Yunanıstanda narahatlıq yaradıb.

Publika.az xəbər verir ki, Beynəlxalq əlaqələr üzrə ekspert Prof. Yorqo Filis Yunan mətbuatına verdiyi açıqlamada “ Türkiyə tezliklə Somali dənizində hərbi nəzarəti öz üzərinə götürəcək. Asiya-Afrika-Avropa arasında təhlükəsiz dəniz daşımalarında maraqlı olan ölkələr və ya şirkətlər Türkiyə silahlı qüvvələri tərəfindən yoxlanılacaq” deyib.

"Ta Nea" qəzeti Türkiyə-Somali razılaşması ilə bağlı isə “Mavi Vətənin sərhədləri getdikcə genişlənir. Somalidə böyük hərbi bazası olan Türkiyə 10 ildir ki, bu ölkənin ərazi sularını müdafiə etməyi öhdəsinə götürüb. Gələcəkdə Ədən körfəzindən Qırmızı dənizə girmək istəyən istənilən gəminin Türkiyəyə də müraciət etməsinə ehtiyac ola bilər” yazıb.

Roza