Türkiyə-ABŞ Strateji Mexanizminin yeddinci iclası ilə bağlı bəyanatda deyilir ki, Türkiyə və ABŞ Ermənistan və Azərbaycan arasında sülh razılaşmasına nail olmaq üçün birgə işləməyə söz verib.
Publika.az xəbər verir ki, bu barədə Türkiyə Xarici İşlər Nazirliyinin bəyanatında deyilir.
“Nazir Fidan və katib Blinken Azərbaycan və Ermənistan arasında balanslaşdırılmış və davamlı sülh sazişinə nail olmaq üçün birgə işləmək öhdəliyi götürüblər və belə bir razılaşmanın regional sabitliyə, əməkdaşlığa və rifaha töhfə verəcəyi barədə razılığa gəliblər”, - bəyanatda deyilir.
