İnsanlar kimi, vəhşi şimpanzelər də danışır, bir-biri ilə ünsiyyət qururlar. Heyvanlar ilk növbədə jestlər, o cümlədən əl hərəkətləri və üz ifadələri vasitəsilə ünsiyyət qururlar.

Publika.az xəbər verir ki, onların söhbətlərini təfərrüatlı şəkildə tədqiq edən alimlər müəyyən ediblər ki, məlumat mübadiləsi zamanı şimpanzelər vaxtaşırı bir-birinin sözünü kəsirlər.

Araşdırmanın nəticələri “Current Biology” jurnalında dərc olunub. Primat ünsiyyətini öyrənən professor Kat Hobaiter izah edib ki, bu sürətli dönüş insan söhbətinin əlamətidir.

Professor Hobaiter və həmkarları vəhşi şimpanzelərin bir-biri ilə ünsiyyət qurmasına dair minlərlə nümunəni tədqiq edərək, heyvanların danışıq vaxtını təyin edə biliblər.

Şimpanzelər danışıq müddətində daha çox variasiya göstərirlər.

“Bu, şimpanzelərin təbii şəraitdə olması ilə əlaqədar ola bilər, ona görə də onlar daha geniş davranış diapazonu nümayiş etdirə biliblər – bəzən bir-birinin sözünü kəsir, bəzən isə cavab vermək üçün çox vaxt tələb olunurdu”, - deyə alim bildirib .

Cəmilə