Almaniyadan İstanbula enən təyyarədə qəribə hadisə baş verib.
Publika.az Türkiyə mətbuatına istinadən xəbər verir ki, bir ailənin pulla dolu çamadanı səhvən Misirə göndərilib.
Zərərçəkmişin sözlərinə görə, ona əl yükü üçün təyyarədə yer olmadığı bildirilib. Ailə də çamadanı xidmətçiyə təhvil verib.
Təyyarədən endikdən sonra baqajlarını gözləməyə başlayıblar. Üstündən 4 saat keçməsinə baxmayaraq, baqaj gəlməyib. İddialara görə, lazımı qurumlar onlarla maraqlanmayıb və buna məhəl qoymayıblar.
Nəhayət 5 gün sonra çamadan tapılaraq ailəyə təhvil verilib. Çamadanına qovuşan ailə ikinci şoku yaşayıb. Pulların yerində olmadığını görüblər.
İtmiş çamadanda 22 min 900 avro olduğu iddia edilir.
Gülnar
