“Qardaş Azərbaycanın parlament seçkilərini ölkənin ərazi bütövlüyünün təmin edildiyi bir şəraitdə keçirməsi bütün Türk dünyasını sevindirir. 44 günlük Vətən müharibəsindən sonra Azərbaycanın ərazi bütövlüyü və suverenliyi tamamilə bərpa olunub. İndi Azərbaycan vətəndaşları işğaldan azad edilmiş bölgələrdə səs verə biləcəklər”.
QÜTB.AZ xəbər verir ki, bu fikiləri “Seçki 2024” Müstəqil Media Mərkəzinə açıqlamasında Türkiyə Prezident Administrasiyası Təhlükəsizlik və Xarici Siyasət Komissiyasının üzvü, professor İsmayıl Safi bildirib.
O qeyd edib ki, seçkilərdə gənclərin fəal olduqları müşahidə edilir: “Bu, sevindirici amildir. Düşünürəm ki, parlamentin dinamik fəaliyyəti üçün orada gənclərin olması lazımdır. Lakin ən vacib məsələ milli dəyərlərə önəm verən insanların orada yer almasıdır”.
İsmail Safi əlavə edib ki, seçkilərin sabit və rəqabət mühitində keçməsi üçün Azərbaycan dövləti hər cür tədbirlər görüb: “Sentyabrın 1-də seçkilərin Azərbaycan siyasi sistemində yeni və doğru mərhələ olacağına inanıram”.
