Rusiya tərəfindən yayımlanan Yeni il video-təbriki müzakirələrə səbəb olub.
QÜTB.AZ xəbər verir ki, Rusiyanın hökumətyönlü "Telegram" kanallarının paylaşdığı videoda ölkəyə gələn "qərbli Şaxta baba"nın ("Santa Klaus") HHM sistemi ilə məhv edildiyi görünür. "Ded Moroz" isə bunu alqışlayır və "bizim səmamızda başqasının nə işi var?", deyir və əlavə edir: "Yeni iliniz mübarək!"
AZAL-a məxsus təyyarənin Rusiya səmasında vurularaq Aktauda qəzaya uğramasından sonra gündəmə gələn görüntülər birmənalı qarşılanmayıb. Sosial şəbəkələrdə insanlar həmin görüntüləri Rusiya cəmiyyətinin ifrat dərəcədə hərbiləşməsinin, səmadakı bütün obyektlərə təhlükə mənbəyi kimi baxdıqlarının sübutu kimi tənqid ediblər.
