İlkin hesablamalara görə dekabrda Rusiya federal büdcəsinin xərcləri 5,5 trilyon rubla çata və noyabr ayından (2,7 trilyon) iki dəfə çox ola bilər.

Publika.az xəbər verir ki, bu barədə “Vedomosti” qəzeti Elektron Büdcənin operativ məlumatlarına istinadən yazıb.

Məlumata əsasən , federal büdcə vəsaitləri dekabrın son günlərində ən aktiv xərclənib. Nəticədə, 2024-cü il yanvarın 1-nə 12 ay ərzində ümumi dövlət xərcləri yanvar-noyabrın nəticələrinə görə 26,84 trilyon səviyyəsində olsa da, ümumilikdə 32,4 trilyon rubl təşkil edib.

Beləliklə, dekabrda büdcə xərcləri 5,56 trilyon rubla çata bilər. Eyni zamanda, qışın ilk ayında dövlət vəsaitlərinin ümumi həcmi 2022-ci ilin müvafiq dövrü ilə müqayisədə 21 faiz az olub. Sonra növbəti hesablaşma dövrlərinin öhdəliklərinin maliyyələşdirilməsi nəzərə alınmaqla büdcədən ümumilikdə 7 trilyon rubl ayrılıb.

Cəmilə