“İRƏLİ” İctimai Birliyi, Beynəlxalq Muğam Mərkəzi və Azərbaycan Dövlət Rəsm Qalereyasının birgə təşkilatçılığı ilə 20 Yanvar faciəsinin 34-cü ildönümünə həsr olunmuş “Qanım Bayrağımdadır” adlı ədəbi-bədii gecə keçiriləcək.

Publika.az xəbər verir ki, tədbirin keçirilməsində əsas məqsəd 20 Yanvar faciəsini gənc nəsilə bədii və yaradıcı kontekstdə çatdırmaq, onların tarixi faktlar əsasında maariflənməsinə nail olmaqdır. Azərbaycan Respublikasının Mədəniyyət Nazirliyi, Azərbaycan Gənclər Fondunun dəstəyi ilə baş tutacaq tədbirin əvvəlində Azərbaycan Dövlət Rəsm Qalereyasının fondundan əsərlər sərgilənəcək.

Qeyd edək ki, ədəbi-bədii gecədə Qərbi Kaspi Universitetinin tələbələrindən ibarət xor kollektivi və musiqiçi gənclərin təqdimatında müxtəlif əsərlər, həmçinin Azərbaycan Tibb Universitetinin tələbələrinin iştirakı ilə ədəbi-bədii kompozisiyalar təqdim olunacaq.

Tədbirdə iştirak etmək istəyənlər aşağıdakı link vasitəsilə qeydiyyatdan keçə bilərlər: https://shorturl.at/iwBCK